کاؤنٹر ٹیررزم ڈیپارٹمنٹ پنجاب (سی ٹی ڈی ) حکام کے مطابق گرفتار دہشت گردوں میں شیر محمد، عبدالخالق ، اکرام اللہ ، نجیب اللہ شامل ہیں ، کارروائی کے دوران دہشتگردوں کے قبضے سے بارودی مواد، اسلحہ ، خودکش جیکٹ بنانے کا سامان بھی برآمد ہوا ہے ۔

سی ٹی ڈی حکام کے مطابق دہشت گرد حساس تنصیبات اور اہم شخصیات کو نشانہ بنانا چاہتے تھے ۔

حکام کا کہنا ہے کہ سی ٹی ڈی نے رواں ہفتے 472 کومبنگ و سرچ آپریشن کیے اور آٹھ ہزار سے زائد افراد کی چیکنگ کے دوران 75 مشتبہ افرادکو گرفتار کیا گیا ہے ۔

حکام کاکہنا ہے کہ سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔