لاہور: (دنیا نیوز) لاہور میں سی آئی اے پولیس اور ڈاکوؤں کے درمیان مبینہ مقابلہ ہوا جس کے نتیجے میں ایک ڈاکو ہلاک ہو گیا۔
لاہور کے علاقے باٹا پور میں 5 مبینہ ڈاکو لوٹ مار کی نیت سے موجود تھے کہ اطلاع پر پولیس موقع پر پہنچ گئی، ڈاکوؤں نے پولیس کو دیکھتے ہی فائرنگ کر دی، جوابی کارروائی میں ایک ملزم ہلاک جبکہ 4 ساتھی فرار ہونے میں کامیاب ہو گئے۔
پولیس کے مطابق ہلاک ملزم عمیر بینک راہزن گینگ کا سرغنہ اور 35 سے زائد مقدمات میں مطلوب تھا، لاش کو قبضے میں لے کر ہسپتال منتقل کر دیا گیا، پولیس نے مرنے والے ڈاکو کے فرار ہونے والے ساتھیوں کی تلاش شروع کر دی ہے۔
