تازہ ترین
  • بریکنگ :- وزیراعظم عمران خان کی تقریرکابیشترحصہ مسئلہ کشمیرپرتھا،بیرسٹرسلطان
  • بریکنگ :- وزیراعظم نےواضح کہاوقت آگیاہےکشمیریوں کوان کاحق خودارادیت ملے،بیرسٹرسلطان
  • بریکنگ :- مقبوضہ کشمیرمیں بھارتی ظلم اوربربریت جاری ہے،بیرسٹرسلطان
  • بریکنگ :- سیدعلی گیلانی کی وفات کےبعدبھارت کارویہ غیرانسانی تھا،بیرسٹرسلطان
  • بریکنگ :- سیدعلی گیلانی کی خواہش تھی ان کی تدفین شہداقبرستان میں کی جائے،بیرسٹرسلطان

عمرشریف کی طبیعت بدستور ناساز، بیٹے نے دعاؤں کی اپیل کردی

Published On 13 September,2021 06:32 pm

کراچی: (دنیا نیوز) کامیڈین اداکار عمرشریف کی طبیعت بدستور ناساز ہے، بیٹے نے دعاؤں کی اپیل کردی۔ اداکارکی سوشل میڈیا پر تصویر بھی وائرل ہو گئی۔

عارضہ قلب میں مبتلا لیجنڈ اداکار عمرشریف کی طبیعت بدستور خراب ہے، اداکار ہسپتال میں زیرعلاج ہیں اور ان کی حالت میں کوئی بہتری نظر نہیں آرہی۔

ان کے بیٹے جواد عمرکا کہنا ہے کہ والد کی طبیعت میں تاحال کوئی بہتری نہیں آئی، والد اس وقت بالکل ہوش میں نہیں اور چند منٹ ہوش آنے پر بھی کسی کو نہیں پہچان رہے۔ پوری قوم سے والد کی صحت یابی کے لئے دعاؤں کی اپیل کرتا ہوں۔

اداکار کی سوشل میڈیا پر ایک تصویر بھی وائرل ہورہی ہے جس میں کافی علیل دکھائی دے رہے ہیں۔


ادھر دوسری جانب ڈاکٹروں کے مطابق دل کا مرض بہت زیادہ بگڑ گیا ہے، اگر امریکا نہیں بھیجا گیا تو اوپن ہارٹ سرجری کی طرف جانا ہوگا۔