تازہ ترین
  • بریکنگ :- چیئرمین تحریک انصاف عمران خان کا قوم کے نام اہم پیغام
  • بریکنگ :- چاہتاہوں 25 مئی کو پوری قوم نکلے ،چیئرمین تحریک انصاف
  • بریکنگ :- حقیقی آزادی مارچ کیلئے اسلام آباد سری نگر ہائی وے پر جمع ہوں،عمران خان
  • بریکنگ :- سری نگر ہائی وے پر آپ سےسہ پہر 3 بجے ملوں گا،عمران خان
  • بریکنگ :- انشااللہ خیبرپختونخواسے مارچ کی قیادت کروں گا،عمران خان

قوم کی ترقی وخوشحالی کیلئے کام کرنا ہماری اجتماعی ذمہ داری ہے:آرمی چیف

Published On 16 November,2021 09:59 pm

راولپنڈی:(دنیا نیوز)آرمی چیف جنرل قمر جاوید باجوہ نے کہا ہے کہ اپنی قوم کی ترقی اور خوشحالی کے لیے دل و جان سے کام کرنا ہماری اجتماعی ذمہ داری ہے۔

پاک فوج کے شعبہ تعلقات عامہ(آئی ایس پی آر) کے مطابق قومی سلامتی ورکشاپ کے شرکا نے جنرل ہیڈ کوارٹرز(جی ایچ کیو ) کا دورہ کیا ۔اس موقع پر شرکا کو سکیورٹی صورتحال سے متعلق درپیش چیلنجز پر بریفنگ دی گئی۔

دورہ کے موقع پر شرکا نے آرمی چیف جنرل قمر جاوید باجوہ سے ملاقات کی جبکہ سپہ سالار نے قومی سلامتی کے چیلنجز سے نمٹنے کے لیے مشترکہ قومی ردعمل کی ضرورت پر زور دیا۔

آئی ایس پی آر کا کہنا تھا کہ نیشنل سکیورٹی ورکشاپ نیشنل ڈیفنس یونیورسٹی کی سالانہ تقریب ہے جس میں پارلیمنٹرینز سمیت معاشرے کے تمام طبقات کے نمائندے شرکت کرتے ہیں۔

جنرل قمر جاوید باجوہ نے کہا کہ اپنی قوم کی ترقی، خوشحالی کے لیے دل و جان سے کام کرنا ہماری اجتماعی ذمہ داری ہے جبکہ پاکستان دہشتگردی کے خلاف جنگ سے پرعزم اور مضبوط قوم بن کر ابھرا ہے۔

انہوں نے مزید کہا کہ پاک فوج آپریشنل تیاریوں کو برقرار رکھنے پر توجہ مرکوز کیے ہوئے ہے اور ملکی سلامتی کو درپیش تمام خطرات کے خلاف ہمہ وقت تیار ہے۔