لاہور:(دنیا نیوز) پاکستان مسلم لیگ (ن) کی نائب صدر مریم نواز نے کہا ہے کہ 75واں یوم آزادی پاکستانی نوجوانوں کے نام کرنا چاہتی ہوں جن کے ہاتھ میں اس ملک کا مستقبل ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے مریم نواز نے لکھا کہ اللّہ تعالی پاکستان کو شاد و آباد رکھے، یہ یوم آزادی پاکستانی نوجوانوں کے نام کرنا چاہتی ہوں جن کے ہاتھ میں اس ملک کا مستقبل ہے، یہ وطن تمہارا ہے تم ہو پاسباں اس کے۔
یہ یوم آزادی پاکستانی نوجوانوں کے نام کرنا چاھتی ہوں جن کے ہاتھ میں اس ملک کا مستقبل ہے۔ اللّہ تعالی پاکستان کو شاد و آباد رکھے۔ یہ وطن تمھارا ہے تم ہو پاسباں اس کے !
— Maryam Nawaz Sharif (@MaryamNSharif) August 13, 2022
14 اگست پر ہم نے ایک مرتبہ پھر قوم کو متحد کیا ہے، مریم اورنگزیب
وفاقی وزیر اطلاعات و نشریات مریم اورنگزیب نے کہا ہے کہ 14 اگست پر ایک مرتبہ پھر ہم نے اتحاد اور محبت کے رنگوں کے ساتھ قوم کو متحد کیا ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے انہوں نے کہا کہ شاہراہ دستور پر موجود پارلیمنٹ عوام کی امنگوں، آرزوؤں اور تمناؤں کا مرکز ہے جس کے سامنے آتش بازی کا شاندار مظاہرہ اس بات کا ثبوت ہے کہ ہم ایک زندہ قوم ہیں، عزم عالی شان، شاد رہے پاکستان ۔
14اگست پر ایک دفعہ پھر ہم نے اتحاد اور محبت کے رنگوں کے ساتھ قوم کو متحد کیا، شاہراہِ دستور پر موجود پارلیمنٹ عوام کی امنگوں، آرزوؤں اور تمناؤں کا مرکز ہے جس کے سامنے آتش بازی کا شاندار مظاہرہ اس بات کا ثبوت ہے کہ ہم ایک زندہ قوم ہیں۔ "عزم عالی شان،شاد رہے پاکستان" #PakistanAt75 pic.twitter.com/zIOfDeopYO
— Marriyum Aurangzeb (@Marriyum_A) August 14, 2022
