پاکستان
خلاصہ
- لاہور: (دنیا نیوز) پاکستان تحریک انصاف (پی ٹی آئی) کے مرکزی رہنما اور سابق وفاقی وزیر اطلاعات فواد چودھری نے کہا ہے کہ سپریم کورٹ کو بطور ادارہ تحلیل کرنے کے اقدامات ہو رہے ہیں جو کہ کسی صورت قبول نہیں، وکلاء اور عوام سپریم کورٹ کے ساتھ کھڑے ہیں۔
سماجی رابطے کی ویب سائٹ ٹوئٹر پر اپنے پیغام میں رہنما پی ٹی آئی فواد چودھری نے کہا کہ سپریم کورٹ کے احکامات پر فی الفور عمل ہونا چاہیے، پارلیمان آرٹیکل 81 کے تحت الیکشن کے اخراجات روک نہیں سکتی۔
یہ بھی پڑھیں: نگراں وزیر اعلیٰ پنجاب 23 اپریل کو کوئی چیک سائن نہیں کر سکیں گے، فواد چودھری
— Ch Fawad Hussain (@fawadchaudhry) April 14, 2023
اپنے ایک اور ٹوئٹ میں فواد چودھری کا کہنا تھا کہ سپریم کورٹ کے چیف جسٹس اور جج صاحبان کے خلاف نامعلوم اور غیر اہم انفرادی درخواستیں دلوائی جاتی ہیں اور پھر پیمرا کی خصوصی ہدایات پر میڈیا چینلز پر ان گھٹیا، بدنیتی پر مبنی الزامات کو ہیڈلائنز میں چلوایا جاتا ہے۔
— Ch Fawad Hussain (@fawadchaudhry) April 14, 2023
انہوں نے مزید کہا کہ مریم نواز کی ہدایت پر سپریم کورٹ کے جج صاحبان کے خلاف مہم انتہائی گھٹیا ہے۔
