کوئٹہ: (دنیا نیوز) پیپلزپارٹی کے یوم تاسیس کیلئے جلسے کی تیاریاں جاری، پیپلزپارٹی کے چیئرمین بلاول بھٹو زرداری اور سابق صدر آصف علی زرداری خطاب کریں گے۔
سابق وزیراعلیٰ نواب ثناء اللہ زہری نے بتایا کہ کوئٹہ میں پیپلز پارٹی کے 56 ویں یوم تاسیس کے لئے جلسے کی تیاریاں عروج پر پہنچ چکی ہیں، سابق صدر آصف علی زرداری کوئٹہ کے جلسہ عام میں شرکت کریں گے، دونوں رہنماؤں کا خطاب ناراض اور اختلافات کی باتیں کرنے والوں کو واضح جواب ہوگا۔
سابق وزیراعلیٰ نے کہا کہ جلسے کے موقع پر ایوب سٹیڈیم میں 40 ہزار سے زائد کارکن شرکت کریں گے۔
