اسلام آباد: (دنیا نیوز) سنی اتحاد کونسل کے رہنما عامر ڈوگر نے کہا ہے کہ کرپٹ عناصر کا بادشاہ آصف زرداری اس ملک پر مسلط کیا جا رہا ہے۔
پارلیمنٹ ہاؤس میں میڈیا سے گفتگو کرتے ہوئے عامر ڈوگر کا کہنا تھا کہ ہمارا مینڈیٹ چوری کر کے آنے والا ٹولہ کرپٹ ہے، کل رات ہمارا اجلاس ہو چکا ہے، الیکشن کمیشن سیمنٹ کی دیوار اور جانبدار ادارہ ہے۔
صدارتی الیکشن میں کسی اجنبی کو ووٹ نہیں ڈالنے دیں گے: رانا آفتاب
دوسری جانب سنی اتحاد کونسل کے رہنما اور رکن پنجاب اسمبلی رانا آفتاب نے کہا کہ صدارتی الیکشن میں کسی اجنبی کو ووٹ نہیں ڈالنے دینگے۔
ان کا کہنا تھا کہ کل حلف اٹھانے والے آج کے الیکشن میں اجنبی تصور ہوں گے، کل حلف اٹھانے والے ارکان کے ووٹ پر پریزائیڈنگ افسر کے سامنے احتجاج کریں گے۔
