کوئٹہ: (دنیا نیوز) بلوچستان کے مختلف علاقوں میں تعینات ایف سی کے جانبازوں نے قوم کو عیدالفطر کے موقع پر مبارکباد دی ہے۔
جوانوں کا کہنا ہے کہ عید اپنوں کے ساتھ منانے کا تہوار ہے لیکن وہ ملک و قوم کی حفاظت کیلئے اپنے فرائض سرانجام دے رہے ہیں، وہ ملک کی سرحدوں کے محافظ ہیں، ہر حال میں وطن کا دفاع کریں گے۔
سپاہیوں نے عزم ظاہر کیا کہ وہ دشمن کے ناپاک عزائم کو خاک میں ملا دیں گے اور پاکستان کو امن و استحکام کی راہ پر گامزن رکھیں گے۔
جوانوں نے شہداء اور غازیوں کو خراج عقیدت پیش کرتے ہوئے دعا کی کہ ملک ہمیشہ خوشحال اور پرامن رہے اور یہ عید پاکستان کیلئے خوشیاں، امن اور خوشحالی لے کر آئے۔
