پینل آف چیئرپرسن سمیع اللہ خان نے صحت کے معاملے پر ایوان میں ووٹنگ کروا دی، تحریک التوائے کار پر حکومتی ارکان کے 22 جبکہ اپوزیشن کے 18 ارکان نے ووٹنگ کے لیے ہاتھ کھڑے کیے۔

حکومت کی جانب سے کثرت رائے سے اپوزیشن کی تحریک التوائے کار مسترد کر دی گئی، پینل آف چیئرپرسن سمیع اللہ خان نے اپوزیشن ارکان کو صحت کے معاملے پر بات کرنے سے روک دیا۔

بات کی اجازت نہ ملنے پر اپوزیشن ارکان نے ایوان میں شور شرابا شروع کر دیا۔

اپوزیشن رکن ندیم قریشی نے کہا کہ جناب سپیکر ہاؤس کو فارم 47 والا ماحول نہ بنائیں، ہمیں بات کرنے دیں۔

سرکاری کارروائی کے دوران اپوزیشن رکن ندیم قریشی نے کورم کی نشاندہی بھی کردی، کورم پورا نہ ہونے پر پینل آف چیئرپرسن سمیع اللہ خان نے پانچ منٹ تک گھنٹیاں بجانے کا حکم دے دیا۔