برہان وانی چوک سے شروع ہونے والی ریلی میں سیاسی و سماجی شخصیات سمیت مرد و خواتین نے کثیر تعداد میں شرکت کی، شرکاء نے ہاتھوں میں سبز ہلالی پرچم اور بینر اٹھا رکھے تھے، علاوہ ازیں ریلی میں پاکستان زندہ باد ، کشمیر بنے گا پاکستان اور جیوے جیوے پاکستان کے نعرے بلند کیے گئے۔

ریلی کے شرکاء نے کہا کہ پوری دنیا میں پاکستان کی عزت و وقار میں اضافہ ہوا، پاکستان کی سیاسی و عسکریت قیادت کو مبارکباد پیش کرتے ہیں، ایک مضبوط و مستحکم پاکستان کشمیریوں کی آزادی کی ضمانت ہے۔

کشمیریوں نے کہا کہ انشاء اللہ کشمیر کا مسئلہ بھی جلد حل ہوگا۔