اسلام آباد: (دنیانیوز) 2024ء میں، پاکستان میں پارلیمانی انتخابات کے قریب آنے کے ساتھ ہی ٹک ٹاک نے غلط اور گمراہ کن معلومات سے نمٹنے اور پلیٹ فارم پر انتخابی شفافیت اور دیانتداری کو برقرار رکھنے کے لیے اپنی کوششوں کا اعلان کر دیا ہے۔
مختصر ویڈیوز کے اس پلیٹ فارم کی جانب سے متعارف کرائے گئے نئے اقدامات ،اس اہم مدت کے دوران ، محفوظ، مستند اور قابل اعتماد معلوماتی ماحول کو برقرار رکھنے کے لیے اس کے غیر متزلزل عزم کو ظاہر کرتے ہیں۔
غلط اور گمراہ کن معلومات کی روک تھام کے لیے اپنے مضبوط عالمی فریم ورک کی بنیاد پر ٹک ٹاک بین الاقوامی سطح پر تسلیم شدہ حقائق کی جانچ کرنے والے ادارے ایجنسی فرانس- پریس (Agence France-Presse: AFP) کے ساتھ مل کر کام کر رہا ہے تاکہ پاکستانی انتخابی تناظر کو خاص طور پر اُجاگر کیا جا سکے۔
علاوہ ازیں،ٹک ٹاک پلیٹ فارم کی شفافیت و دیانتداری کو یقینی بنانے کے لیے پاکستان میں بھی مقامی کمیونٹی پارٹنرز کے ساتھ مل کر کام کر رہا ہے، یہ شراکتیں ٹک ٹاک کو ممکنہ غلط معلومات کی نشاندہی کرنے، ان پر مناسب کارروائی کرنے اور اہم واقعات کے بارے میں اپنی کمیونٹی کے ساتھ درست معلومات کی اشتراک کرنے کے قابل بناتی ہیں۔
ٹک ٹاک کے حقائق کی جانچ کرنے والے شراکت دار پلیٹ فارم پر کانٹینٹ کو ماڈریٹ نہیں کرتے ہیں لیکن ان کے جائزے قابل قدر رائے فراہم کرتے ہیں جس سے ٹک ٹاک کو مناسب کارروائی کرنے میں مدد ملتی ہے جو اس کی کمیونٹی گائیڈ لائنز کو برقرار رکھتا ہے۔
ٹک ٹاک کی حکمت عملی میں جدیدفیچرز والی مصنوعات شامل ہیں جن کا مقصد صارفین کو آگاہی اور پلیٹ فارم کی شفافیت و دیانتداری کو برقرار رکھنے میں شرکت کو بڑھانا ہے، ٹک ٹاک نے اپنے پلیٹ فارم پر پاکستان الیکشن سینٹر بھی قائم کیا ہے جو انگریزی اور اردو، دونوں زبانوں میں صارفین کو ووٹنگ کے طریقہ کار اورووٹ ڈالنے کے مقامات سمیت مستند معلومات فرہم کرے گا۔
علاوہ ازیں، استعمال میں آسان رپورٹنگ ٹولز بھی صارفین کو ممکنہ گمراہ کن کانٹینٹ کی بآسانی شناخت کرنے اور رپورٹ کرنے کے لیے بااختیار بنائیں گے، یہ نقطہ نظر ایک محتاط اور ذمہ دار کمیونٹی کو فروغ دیتا ہے جو انتخابات کے دوران انتہائی اہم ہوتا ہے۔
مزید برآں، ٹک ٹاک تعلیمی کانٹینٹ اور ایپ میں گائیڈز فراہم کرکے بھی اپنے صارفین کو آگاہی دینے کے لیے پر عزم ہے، یہ اقدامات کمیونٹی کو قابل اعتماد معلومات کو سمجھنے کے لیے ضروری مہارتوں سے لیس کرنے کے لیے ڈیزائن کیے گئے ہیں، اس طرح انتخابی عمل میں باخبر شرکت کو تقویت ملتی ہے۔
ٹک ٹاک کی کمیونٹی گائیڈلائنز کا نفاذ، جو انگریزی اور اردو دونوں زبانوں میں دستیاب ہیں، اس کی غلط معلومات سے نمٹنے کے حکمت عملی کا ایک اہم جزو ہیں، یہ پلیٹ فارم ایک کثیر جہتی نقطہ نظر استعمال کرتا ہے جس میں گائیڈ لائنز کی خلاف ورزی کرنے والے کانٹینٹ کو حذف کرنا، سرچ کے نتائج کے مستند ذرائع پر منتقل کرنا اور غیر مصدقہ معلومات کی نشاندہی شامل ہیں۔
یہ جامع نقطہ نظر اس بات کو یقینی بناتا ہے کہ یہ پلیٹ فارم ایک محفوظ جگہ ہے جو انتخابات سے متعلق نقصان دہ معلومات سے پاک ہے، شفافیت اور تعاون کو ٹک ٹاک کی کوششوں میں مرکزیت حاصل ہے، ماہرین، سیفٹی ایڈوائزری کونسلز اور سول سوسائٹی کے اداروں کے ساتھ مل کر کام کرتے ہوئے، ٹک ٹاک اپنے پالیسی فریم ورک کو بہتر بناتا ہے اور ایپ کے اند قابل اعتماد معلومات کے ذرائع کی ترقی کو یقینی بناتا ہے، یہ باہمی تعاون ٹک ٹاک کے ایک ذمہ دار سوشل میڈیا پلیٹ فارم کے عزم کی عکاسی کرتا ہے۔
پاکستان میں انتخابات قریب آرہے ہیں، ٹک ٹاک اس بات کو یقینی بنانے کےلیے پرعزم ہے کہ اس کا پلیٹ فارم تفریح اور تخلیقی صلاحیتوں کا ذریعہ ثابت ہونے کے ساتھ قابل اعتماد اور حقائق پر مبنی معلومات کا مستند ذریعہ بھی ثابت ہو۔
ٹک ٹاک پاکستان اور عالمی سطح پر اپنی کمیونٹی کی حمایت جاری رکھے ہوئے ہے، ایک ایسے ڈیجیٹل ماحول کو فروغ دیتا ہے جہاں مستند کانٹینٹ فروغ پاتا ہے اور غلط معلومات سے پوری تندہی کے ساتھ نمٹا جاتا ہے۔
