کراچی: (دنیا نیوز) آئی ایم ایف سے 1 ارب 39 کروڑ ڈالر قرض کی رقم سٹیٹ بینک کو موصول ہوگئی۔ ماہرین کہتے ہیں کہ بین الاقوامی مالی معاونت سے روپے کی قدر کو بھی سہارا مل رہا ہے۔
سٹیٹ بینک آف پاکستان کے مطابق بین الاقوامی ملیاتی ادارے (آئی ایم ایف) کی جانب سے 1 ارب 39 کروڑ ڈالر قرض کی قسط موصول ہو گئی ہے۔
ایک اندازے کے مطابق آئی ایم ایف سے قرض کی رقم آنے کے بعد ملک کے مجموعی زرمبادلہ ذخائر 18 ارب ڈالر سے تجاوز کر جانے کی امید ہے۔
#SBP has received $1.39 bn under Rapid Financing Instrument by the #IMF.
— SBP (@StateBank_Pak) April 22, 2020
ماہرین کا کہنا ہے کہ درآمدات میں کمی اور غیر ملکی مالیاتی اداروں کی معاونت سے روپے کی قدر کو بھی سہارا مل رہا ہے، یہی وجہ ہے کہ انٹر بینک میں 77 پیسے سستا ہوکر 160 روپے 36 پیسے پر بند ہوا جبکہ اوپن مارکیٹ میں امریکی کرنسی 2 روپے کمی سے 159 روپے 50 پیسے کی ہو گئی۔