لندن: (دنیا نیوز) مریم نواز نے اپنے شوہر کیپٹن ریٹائرڈ صفدر کی گرفتاری پر بات کرتے ہوئے کہا کہ انہوں نے دلیرانہ طریقے سے شیر کی طرح گرفتاری دی ہے۔
انہوں نے بتایا کہ میاں نواز شریف لندن سے جمعرات کی رات پونے 9 بجے اتحاد ائیرویز کی پرواز نمبر ای وائے 018 سے روانہ ہونگے اور لندن سے براستہ ابوظہبی پہنچیں گے۔ بعد ازاں جمعرات بارہ جولائی کو اتحاد ائیرویز کی پرواز سے پاکستان روانہ ہونگے اور جمعہ کی شام سوا چھ بجے پرواز اے وائے 243 سے لاہور ائیرپورٹ پہنچیں گے۔ انہوں نے بتایا کہ سینکڑوں کی تعداد میں لوگ ہمارے ساتھ پاکستان جانا چاہتے ہیں۔
اپنے شوہر کیپٹن ریٹائرڈ صفدر کی گرفتاری پر بات کرتے ہوئے انہوں نے کہا کہ وہ میاں صاحب کے سپاہی ہیں اور کروڑوں پاکستانیوں کی طرح ووٹ کو عزت دو کے جھنڈے تلے جمع ہیں، انہوں نے شیر کی طرح دلیرانہ طریقے سے گرفتاری دی۔
Our flight details
— Maryam Nawaz Sharif (@MaryamNSharif) July 8, 2018
12 July
EY18 LONDON - ABU DHABI
DEPARTURE 8:45PM
13 July, Friday
EY243 ABU DHABI - LAHORE ARRIVAL 6:15PM
IN-SHA-ALLAH
مریم نواز کا کہنا تھا کہ نواز شریف نے جو قربانیاں دیں، وہ کسی نے نہیں دیں۔ فیصلہ کن مرحلے میں داخل ہو چکے، کامیابی جلد ہو گی۔ جو بھی کر لیں ووٹر کو نہیں روکا جا سکتا۔ نواز شریف پہلے لیڈر ہیں جو سزا بھگتنے پاکستان جا رہے ہیں، لوگ سزاسے بچنے کیلئے کمر درد کا بہانہ بنا کر بھاگ جاتے ہیں۔
