اسلام آباد: (دنیا نیوز) وزیراعظم عمران خان، سابق وزیراعظم نواز شریف اور سابق صدر آصف زرداری کا دورہ امریکا، تینوں سربراہان مملکت کے دوروں پر خرچ کی تفصیلات دنیا نیوز نے حاصل کرلیں
دنیا نیوز کو حاصل سربراہان مملکت کے دوروں پر خرچ کی تفصیلات کے مطابق سابق آصف زرداری نے 2009ء میں 6 روزہ دورہ امریکا کیا۔ آصف زرداری کے دورہ امریکا پر قومی خزانے سے 7 لاکھ 52 ہزار 688 ڈالرز خرچ ہوئے۔
سابق وزیراعظم نواز شریف کا 2013ء میں 6 روزہ دورہ قوم کو 5 لاکھ 49 ہزار 853 ڈالرز میں پڑا۔
لیکن دوسری جانب وزیراعظم عمران خان کا دورہ امریکا کفایت شعاری کی مثال قائم کر گیا۔ نہ سرکاری جہاز نہ 7 سٹار ہوٹل میں رہائش نہ ہی اہلخانہ پر خرچ ہوا۔
وزیراعظم عمران خان کے دورہ امریکا پر صرف 67 ہزار 180 ڈالرز خرچ ہوئے۔ وزیراعظم نے سادگی کی مثال قائم کرتے ہوئے قومی خزانے کے کروڑوں روپے بچا لیے۔
