وزیراعظم عمران خان اچانک پمز ہسپتال پہنچ گئے، مریضوں کی عیادت کی

اسلام آباد: (دنیا نیوز) وزیراعظم عمران خان عید الاضحیٰ پر چھٹی والے روز اچانک پمز ہسپتال پہنچ گئے جہاں انہوں نے مریضوں کی عیادت کی۔

دنیا نیوز کے مطابق وزیراعظم عمران خان نے پمز ہسپتال کے اچانک دورے کے دوران مریضوں سے ملاقات کی اور ان کی عیادت بھی کی، اس دوران مریضوں سے ہسپتال میں فراہم کی جانے والی سہولتوں کے بارے میں استفسار کیا۔

اس موقع پر ڈیوٹی پر موجود ڈاکٹروں اور ہسپتال انتظامیہ نے وزیر اعظم کو ہسپتال میں مریضوں کو فراہم کی جانے والی سہولتوں کے بارے میں آگاہ کیا۔

دوسری طرف وزیراعظم عمران خان نے کراچی کے ارکان اسمبلی کو اپنے حلقوں میں رہنے کی ہدایت کرتے ہوئے کہا ہے کہ کراچی کےشہریوں کوکئی دہائیوں سے نظر انداز کیا گیا، وفاقی حکومت کراچی کے دہائیوں پرانے مسائل کے حل کیلئے جامع پیکیج تشکیل دینے میں مصروف ہے۔

I have directed all MNAs/MPAs of Karachi to be in their constituencies throughout Eid & Independence Day holidays & provide all assistance to the ppl. The Federal Govt is drafting a comprehensive package to end the decades of neglect & suffering of the ppl of this gt metropolis.

— Imran Khan (@ImranKhanPTI) August 12, 2019

وزیراعظم نے کراچی کی صورتحال کا نوٹس لے لیا، سوشل میڈیا پیغام میں عمران خان نے کراچی کے شہریوں کیلئے اصلاحاتی پیکج جلد لانے کا اعلان کیا ہے۔ انھوں نے عید اور 14 اگست کے موقع پر کراچی کےتمام ارکان اسمبلی کوعوام کی ہر ممکن مدد اور تعاون کی ہدایت بھی کی ہے.

وزیراعظم عمران کا مزید کہنا تھا کہ کراچی کے شہریوں کو کئی دہائیوں سے نظر انداز کیا گیا، ان کی مشکلات کو مدنظر رکھتے ہوئے وفاقی حکومت ایک جامع اصلاحاتی پیکج تشکیل دینے میں مصروف عمل ہے جس سے مسائل ختم کرنے میں مدد ملے گی۔