'فاشسٹ مودی جان لے، جب قوم متحد ہو تو اسے کوئی نہیں روک سکتا'

اسلام آباد: (دنیا نیوز) وزیراعظم عمران خان کا کہنا ہے کہ فاشسٹ ہندو مودی جان لے کہ فوجوں، عسکریت پسندوں اور دہشت گردوں کو طاقت کے استعمال سے شکست دی جا سکتی ہے لیکن آزادی کیلئے متحد قوم کو دنیا کی کوئی طاقت پسپا نہیں کر سکتی۔

سماجی رابطے کی ویب سائٹ ٹویٹر پرجاری ایک بیان میں وزیراعظم عمران خان نے کہا ہے کہ فاشسٹ ہندو مودی جان لے، بہتر افواج کی مدد سے کسی دوسری فوج، عسکریت پسندوں اور دہشت گردوں کو تو شکست دی جا سکتی ہے لیکن تاریخ گواہ ہے کہ جب کوئی قوم آزادی کے لئے متحد ہوتی ہے تو اسے کوئی نہیں روک سکتا۔

The fascist, Hindu Supremacist Modi Govt should know that while armies, militants & terrorists can be defeated by superior forces; history tells us that when a nation unites in a freedom struggle & does not fear death, no force can stop it from achieving its goal.

— Imran Khan (@ImranKhanPTI) August 16, 2019

That is why the Hindutva exclusivist creed of the Modi-led Govt with its fascist tactics in IOK will fail miserably in its attempt to smother the Kashmiri liberation struggle.

— Imran Khan (@ImranKhanPTI) August 16, 2019

عمران خان کا کہنا ہے کہ موت کا خوف یا کوئی بھی طاقت جدوجہد آزادی کے حصول میں رکاوٹ نہیں بن سکتی، ایسی قوم کو آزادی کی اپنی منزل کے حصول سے روکنا ناممکن ہوتا ہے۔ انہوں نے کہا کہ مقبوضہ کشمیر میں جاری جدوجہد آزادی پر قابو پانے کے لئے مودی کی قیادت میں ہندوتوا فاشسٹ حربے بری طرح ناکام ہوں گے۔