کراچی: (دنیا نیوز) کورونا وائرس سے متاثرہ ان زائرین کو سکھر کے قرنطینہ سینٹر میں رکھا گیا تھا۔ مرتضیٰ وہاب نے بتایا ہے کہ ان 23 زائرین کی ٹیسٹ رپورٹ منفی آئی جس کے بعد انھیں صحتیاب قرار دیدیا گیا ہے۔
تفصیل کے مطابق صوبہ سندھ سے ایک اچھی خبر سامنے آئی ہے کہ کورونا وائرس سے متاثرہ سکھر میں موجود 23 زائرین صحتیاب ہو چکے ہیں۔ ترجمان سندھ حکومت مرتضیٰ وہاب نے کہا ہے کہ ان زائرین کے پہلے کورونا ٹیسٹ مثبت آئے تھے تاہم آج تمام رپورٹیں منفی آئیں۔
23 Zaaireen who had earlier tested positive of Corona Virus in Sukkur have Alhamdolillah recovered & have tested negative. This again shows the importance of self isolation, if we all isolate ourselves, we can actually protect not only ourselves but our loved ones & others
— SenatorMurtaza Wahab (@murtazawahab1) March 30, 2020
ترجمان سندھ حکومت نے اپنے ٹویٹ میں لکھا کہ اس سے سماجی دوری کی اہمیت کا اندازہ لگایا جا سکتا ہے۔ گھروں پر رہنے سے خود اور دوسروں کو بھی محفوظ رکھ سکتے ہیں۔
4 more patients have recovered from Corona Virus in Sindh and have tested negative. The total number of recovered patients in Sindh now stands at 18. This again emphasises the importance of strictly following the isolation guidelines.
— SenatorMurtaza Wahab (@murtazawahab1) March 30, 2020
اس سے قبل اپنے ٹویٹ میں مرتضیٰ وہاب نے لکھا تھا کہ سندھ میں مزید 4 کورونا کے مریض صحت یاب ہو گئے ہیں جس کے بعد صوبے میں صحتیاب افراد کی تعداد 18 ہو گئی ہے۔
ادھر سکھر تبلیغی مرکز میں 442 افراد کی سکریننگ کا عمل جاری ہے۔ تبلیغی مرکز میں 374 ملکی اور 68 غیر ملکی افراد موجود ہیں۔ تبلیغی مرکز کو عام لوگوں کے لئے مکمل بند کردیا گیا ہے۔
پولیس حکام کا کہنا ہے کہ مختلف علاقوں میں روانہ کئے گئے قافلوں کو بھی واپس بلا لیا گیا ہے۔ ٹیسٹ رپورٹ آنے تک تمام افراد آئسولیشن میں رہیں گئے۔ حکومتی احکامات پر مرکز کے کچھ حصہ کو آئیسولیشن یونٹ میں تبدیل کر دیا ہے۔
