اسلام آباد: (دنیا نیوز) وزیر خارجہ مخدوم شاہ محمود قریشی نے کہا ہے کہ کئی دہائیوں تک بھارتی تسلط کے باوجود کشمیری عوام کا عزم اور پاکستان کے ساتھ قریبی رشتے پہلے کی طرح مضبوط اور مستحکم ہیں۔
تفصیل کے مطابق وزیر خارجہ مخدوم شاہ محمود قریشی نے مقبوضہ جموں وکشمیر کے عوام کی بھارت کے غیر قانونی تسلط سے آزادی کی جدوجہد میں پاکستان کی غیر متزلزل حمایت کا اعادہ کیا ہے۔
اتوار کو یوم الحاق پاکستان کے موقع پر وزیر خارجہ نے اپنے ایک ٹویٹ پیغام میں پاکستان کی جانب سے بھارت کے غیر قانونی تسلط سے آزادی کیلئے مقبوضہ کشمیر کے عوام کی منصفانہ جدوجہد کی حمایت کا اعادہ کرتے ہوئے کہا ہے کہ 1947ء میں اس دن جموں و کشمیر کے حقیقی نمائندوں نے پاکستان سے الحاق کے لئے ایک تاریخی قرار داد منظور کی تھی۔
On this day in 1947, true representatives of J&K adopted a historic resolution for accession to Pakistan. Despite decades of Indian occupation, resolve of Kashmiris & immutable bonds to stand strong. We reaffirm unwavering support to Kashmiris in their just struggle for freedom
— Shah Mahmood Qureshi (@SMQureshiPTI) July 19, 2020
وزیر خارجہ نے کہا کہ کئی دہائیوں تک بھارتی تسلط کے باوجود کشمیری عوام کا عزم اور پاکستان کے ساتھ قریبی رشتے پہلے کی طرح مظبوط اور مستحکم ہیں۔
مخدوم شاہ محمود قریشی نے مزید کہا کہ ہم کشمیریوں کی آزادی کے لئے ان کی منصفانہ جدوجہد میں غیر متزلزل حمایت کا اعادہ کرتے ہیں۔
