راولپنڈی: (دنیا نیوز) آرمی چیف جنرل قمر جاوید باجوہ کا کہنا ہے کہ پاک فوج ملک کو درپیش خطرات سےآگاہ ہے۔ دشمن کے عزائم خاک میں ملانے کی مکمل صلاحیت رکھتے ہیں۔
ان خیالات کا اظہار پاک فوج کے سپہ سالار جنرل قمر جاوید باجوہ نے جہلم کے قریب فیلڈ فائرنگ رینج کے دورے کے موقع پر کیا۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی طرف سے سماجی رابطے کی ویب سائٹ ٹویٹر پر جاری کردہ بیان کے مطابق آرمی چیف جنرل قمر جاوید باجوہ نے جہلم کےقریب فیلڈ فائرنگ رینج کا دورہ کیا اور جدید ترین چینی ساختہ ٹینک وی ٹی فور کا مظاہرہ دیکھا اور وی ٹی فور کی کارکردگی پراطمینان کا اظہار کیا۔۔
#COAS visited Field Firing Ranges near Jhelum today to witness demonstration of state of the art, Chinese origin third generation Main Battle Tank VT-4. This potent war fighting machine will be employed in offensive role by strike formations after induction (1/5) pic.twitter.com/csQv54XVDj
— DG ISPR (@OfficialDGISPR) September 22, 2020
آئی ایس پی آر کے مطابق وی ٹی فورکی پروٹیکشن اورفائرنگ کی صلاحیت کاکوئی ثانی نہیں۔ وی ٹی فورکاموزانہ کسی بھی جدیدترین ٹینک کےساتھ کیا جا سکتا ہے۔
پاکستان کی دفاعی صلاحیت میں ایک اورشانداراضافہ ہوا ہے، سٹرائیک کورجنگ میں فیصلہ کن کردار کے حامل ہے، ملک دشمن کے لیے خطرے کی علامت ہے، آرمڈکور میں جدید ترین ٹینکس کی شمولیت ہوئی ہے۔
پاک فوج کے شعبہ تعلقات عامہ کے ڈائریکٹر جنرل (ڈی جی) میجر جنرل بابر افتخار کے مطابق آرمی چیف نے افسروں اورجوانوں کی پیشہ ورانہ صلاحیتوں اور آپریشنل تیاریوں کو سراہا۔
...VT-4 is compatible with any modern tank in the world integrating advanced armour protection, maneuverability, fire power capabilities and state of the art technology. Interacting with the officers and men, COAS expressed satisfaction over demonstrated performance of (2/5) pic.twitter.com/W8E51cVP7Z
— DG ISPR (@OfficialDGISPR) September 22, 2020
اس موقع پر آرمی چیف جنرل قمر جاوید باجوہ کا کہنا تھا کہ پاک فوج خطے میں ابھرتے ہوئے چیلنجز اور درپیش خطرات سے آگاہ ہے۔ ہم اندرونی اور بیرونی چیلنجز سے نمٹنے کے لیے تیار ہیں۔ ملکی سلامتی کو درپیش چیلنجز کا بھی منہ توڑ جواب دینے کیلئے تیارہیں۔ دشمن کے عزائم خاک میں ملانے کی مکمل صلاحیت رکھتے ہیں۔
