لاہور: (دنیا نیوز) وزیر تعلیم پنجاب مراد راس نے کہا ہے کہ کورونا کے باعث پہلے 6 اور پھر پونے 2 ماہ اسکول بند رہے، بچوں کی تعلیم کی کمی پوری کرنے کیلئےرواں برس گرمیوں کی چھٹیوں کم سے کم دی جائیں گی، امتحان کے بغیر کوئی بچہ پروموٹ بھی نہیں کیا جائیگا۔
لاہور میں پریس کانفرنس کرتے ہوئے وزیر تعلیم مراد راس کا کہنا تھا کہ حکومت نے بچوں کی تعلیم کا نقصان کم کرنے کیلئے آن لائن کلاسز کا آغاز کیا، کورونا وبا کے سبب اسکولوں میں بچوں کی حاضری 50 فیصد کر دی گئی جبکہ اسکولز میں کورونا ایس او پیز پر سختی سےعملدرآمد کرایا گیا۔
انہوں نے کہا کہ حکومت نے کوروناکےآغازکےبعدبچوں کی فیس میں 20فیصدڈسکاؤنٹ دیا۔اس کے باوجود کوروناکی وجہ سےبہت سےبچے اسکول چھوڑنے پر مجبورہوئے،ان کوواپس لانےکیلئےوفاقی سطح پرمہم شروع کی جائیگی۔ کوروناکےباعث بچوں کی تعلیم کی کمی پوری کرنے کیلئےگرمیوں کی چھٹیوں کم ازکم کی جائیں گی۔
