روشن ڈیجیٹل اکاؤنٹس پر بھرپور اعتماد کرنے پر اوورسیز پاکستانیوں کا مشکور ہوں: وزیراعظم

اسلام آباد: (ویب ڈیسک) وزیراعظم عمران خان نے کہا ہے کہ روشن ڈیجیٹل اکاؤنٹس پر بھرپور اعتماد کرنے پر سمندر پار پاکستانیوں کا مشکورہوں۔

سماجی رابطے کی ویب سائٹ ٹویٹر پر اپنے ایک بیان میں وزیراعظم نے کہا کہ میں اوور سیز پاکستانیوں کا شکریہ ادا کرنا چاہتا ہوں جنہوں نے سٹیٹ بینک آف پاکستان کے روشن ڈیجیٹل اکاؤنٹس پر بھرپور اعتماد کا اظہار کیا۔ دنیا کے 97 ملکوں سے اب تک 87 ہزار 833اکاؤنٹس کھل چکے ہیں۔

I want to thank our Overseas Pakistanis for responding so strongly to SBP’s #RoshanDigitalAccounts. 87,833 accounts opened from 97 countries around the world. $500 million sent to Pakistan in just 5 months. Momentum continues to rise with $243 million coming in last 6 weeks alone

— Imran Khan (@ImranKhanPTI) February 16, 2021

انہوں نے کہا کہ صرف 5 ماہ میں روشن ڈیجیٹل اکاؤنٹس کے ذریعے 50کروڑ ڈالر وطن بھجوائے گئے، گزشتہ 6 ہفتوں میں ان اکاؤنٹس کے ذریعے 24کروڑ 30 لاکھ ڈالر وطن بھجوائے جاچکے ہیں۔