دمشق: (ویب ڈیسک) جنگ زدہ ملک شام میں دو مختلف حملوں کے دوران بچوں، خواتین سمیت 22 افراد ہلاک ہو گئے ہیں۔
عرب خبر رساں ادارے کے مطابق دو مختلف واقعات میں روسی اور حکومتی دستوں نے جنگ زدہ ملک میں دہشتگردوں کے آخری گڑھ میں کی، فضائی حملوں کے دوران 22 افراد ہلاک ہو گئے ہیں۔
برطانیہ میں قائم سیرئین آبزرویٹری فار ہیومن رائٹس کے مطابق ایک راکٹ زچہ و بچہ وارڈ کے قریب گرا اور بمباری کے بعد وہاں متعدد خیموں میں آگ لگ گئی مہاجر کیمپ میں ہزاروں پناہ گزین موجود ہیں۔
عرب خبر رساں ادارے کے مطابق ان حملوں کے دوران ہلاک ہونے والوں 10 بچے بھی شامل ہیں جبکہ دیگر انہی حملوں میں تین خواتین بھی زندگی کی بازی ہار گئی ہیں۔
سماجی رابطے کی ویب سائٹ ٹویٹر پر امدادی سرگرمیوں میں حصہ لینے والی تنظیم نے ٹویٹ کرتے ہوئے بتایا کہ حملوں کے دوران کلسٹر بموں کو استعمال کیا گیا۔
A horrific massacre has occurred inside #Qah IDP camp near the Turkish border in #Idlib after the civilians in tents were targeted by a missile carrying cluster bombs. There is no total number of victims so far. Our teams are working to help the injured amid the chaos and terror. pic.twitter.com/Qr4c8Jdn5G
— The White Helmets (@SyriaCivilDef) November 20, 2019
