اسلام آباد: (دنیا نیوز) آئی ایم ایف نے کورونا کی وبا سے متاثرہ ممالک کی معیشت کو سہارا دینے کی خاطر 650 ارب ڈالر کا فنڈ مختص کر دیا۔ پاکستان کو دو ارب ڈالر ملنے کا امکان ہے۔
آئی ایم ایف ایڈوائزری باڈی کے اجلاس میں کورونا کی وبا میں متاثر ممالک کے لئے ساڑے چھ سو ارب ڈالر کا فنڈ مختص کیا گیا ہے۔ فنڈ سے مختلف ممالک کو بیرونی ادائیگیوں میں آسانی ہوگی۔ سپیشل ڈرائینگ رائٹس سے پاکستان جیسے ممالک کو فائدہ ہوگا۔ ذرائع کے مطابق پاکستان اس سہولت سے فائدہ اٹھاتے ہوئے 2 ارب ڈالر کی رقم بطور قرض وصول کرسکتا ہے۔
فنڈ کا 34 فیصد حصہ ترقی یافتہ ممالک کے لئے رکھا گیا ہے۔ پروگرام کے تحت امریکا 113 ارب ڈالر، ترقی پذیر ممالک 226 ارب ڈالر اور جی 20 ممالک 139 ارب ڈالر کی رقم حاصل کرسکتے ہیں۔
