اسلام آباد: (دنیا نیوز) یوٹیلیٹی سٹورز کارپوریشن نے چینی کی قیمت میں 13 روپے فی کلو کمی کر دی۔
چینی کی قیمتوں میں کمی کا نوٹیفکیشن بھی جاری کر دیا گیا، نوٹیفکیشن کے مطابق یوٹیلیٹی سٹورز پر چینی فی کلو 140 روپے فی کلو مقرر کی گئی ہے، چینی کی قیمت میں کمی کا اطلاق فوری طور پر کیا جائے گا۔
اس سے قبل یوٹیلیٹی سٹورز پر چینی کی قیمت 153 روپے فی کلو مقرر تھی۔
یوٹیلیٹی سٹورز کارپوریشن نے شوگر ملز سے چینی کی قیمت کم کرنے کی درخواست کی تھی، شوگر ملز مالکان نے فروخت کی گئی چینی پر یوٹیلیٹی سٹورز کو 17 روپے فی کلو کمی کی۔
شوگر ملز مالکان سے ری بیٹ لینے کے بعد یوٹیلیٹی سٹورز نے چینی سستی کی، یوٹیلیٹی سٹورز نے 12 ہزار میٹرک ٹن چینی کی خریداری کی تھی۔
