ورچوئل ایسٹس کی شفاف اور محفوظ ریگولیشن حکومت کی ترجیح ہے: وزیر خزانہ

اسلام آباد: (دنیا نیوز) حکومت کا ورچوئل ایسٹس کے فریم ورک کو عالمی معیار کے مطابق بنانے کا عزم، وزیر خزانہ محمد اورنگزیب نے پاکستان ورچوئل ایسٹ ریگولیٹری اتھارٹی کا پہلا دورہ کیا۔

وزارت خزانہ کے مطابق وزیر خزانہ محمد اورنگزیب کو ورچوئل ایسٹ اتھارٹی حکام کی جانب سے ورچوئل ایسٹس کے ریگولیٹری فریم ورک پر بریفنگ دی گئی۔

اعلامیہ کے مطابق مرحلہ وار پالیسی، گورننس سٹرکچر اور ڈرافٹ گائیڈ لائنز پر پیشرفت سے آگاہ کیا گیا، وزیر خزانہ محمد اورنگزیب نے پی وی اے آر اے کی کارکردگی کو سراہا۔

محمد اورنگزیب نے کہا کہ ورچوئل ایسٹس کی شفاف اور محفوظ ریگولیشن حکومت کی ترجیح ہے، وزیر خزانہ نے پی وی اے آر اے کے انتظامی مسائل فوری حل کرنے کی ہدایت کی۔

وزیر خزانہ محمد اورنگزیب نے کہا کہ ریگولیٹری اداروں کی مضبوطی سرمایہ کاری بڑھانے کیلئے ضروری ہے۔

چیئرمین اتھارٹی نے کہا کہ ذمہ دارانہ انوویشن اور مضبوط حفاظتی اقدامات کیلئے پُرعزم ہیں، وزارت خزانہ کے مطابق ورچوئل ایسٹ میں عالمی فورمز پر پاکستان کی نمائندگی مضبوط ہو رہی ہے۔