تازہ ترین
  • بریکنگ :- ہم نے ڈاکوؤں کےساتھ کوئی مفاہمت نہیں کرنی ،وزیراعظم
  • بریکنگ :- مشرف نے 2 گھرانوں کی چوری معاف کرکےجرم کیا،وزیراعظم
  • بریکنگ :- سیاست میں ان ڈاکوؤں کےخلاف ہی آیاہوں ،وزیراعظم
  • بریکنگ :- جی ڈی پی میں 5.37فیصداضافہ ہوا،وزیراعظم
  • بریکنگ :- کسانوں کی آمدن میں 73فیصداضافہ ہوا،وزیراعظم
  • بریکنگ :- ہمارےدورمیں غربت کم ہوئی،وزیراعظم عمران خان
  • بریکنگ :- تنخواہ دار طبقہ مشکل میں ہے،وزیراعظم عمران خان
  • بریکنگ :- صنعتکاروں کو بلاکرکہوں گاتنخواہ دارطبقے کی تنخواہیں بڑھائیں،وزیراعظم
  • بریکنگ :- لوگوں کوگھربنانے کیلئے 40 ارب روپےدےچکےہیں ،وزیراعظم
  • بریکنگ :- 30 لاکھ گھر بن رہے ہیں ،وزیراعظم عمران خان
  • بریکنگ :- ہم نے تعمیراتی سیکٹر میں رکاوٹیں دور کیں ،وزیراعظم
  • بریکنگ :- کپاس،گنا،مکئی ،چاول اورگندم کی ریکارڈ پیداوارہوئی،وزیراعظم
  • بریکنگ :- پام آئل پوری دنیامیں مہنگاہوا،وزیراعظم عمران خان
  • بریکنگ :- پاکستان میں 8ہزارارب روپےٹیکس اکٹھاکروں گا،وزیراعظم
  • بریکنگ :- مہنگائی کے مسئلے سے بہت جلد نکل جائیں گے ،وزیراعظم
  • بریکنگ :- ہماری ریکارڈ برآمدات ہوئی ہیں ،وزیراعظم عمران خان
  • بریکنگ :- ترسیلات زرمیں ریکارڈ اضافہ ہواہے ،وزیراعظم
  • بریکنگ :- جعلی خبریں شائع کرکے مایوسی پھیلائی جارہی ہے ،وزیراعظم
  • بریکنگ :- تنقید اچھی ہوتی ہے لیکن پروپیگنڈانہ کیاجائے،وزیراعظم
  • بریکنگ :- یادرکھیں ہمارا مقابلہ مافیاسے ہے ،وزیراعظم عمران خان
  • بریکنگ :- گاڑیوں،موٹرسائیکل اورٹریکٹرکی فروخت میں اضافہ ہوا ،وزیراعظم
  • بریکنگ :- لارج اسکیل مینوفیکچرنگ میں 10فیصداضافہ ہوا ،وزیراعظم
  • بریکنگ :- بلوم برگ کہتاہےپاکستان کی اکانومی درست سمت کی جانب گامزن ہے،وزیراعظم
  • بریکنگ :- 70 سال سےخراب چیزیں ایک دم ٹھیک نہیں ہوسکتیں ،وزیراعظم

نیوزی لینڈ کیخلاف ون ڈے سیریز، قومی سکواڈ کا اعلان، نئے چہرے بھی شامل

Published On 01 September,2021 04:39 pm

لاہور: (ویب ڈیسک) نیوزی لینڈ کیخلاف ون ڈے سیریز کیلئے پاکستانی سکواڈ کا اعلان کر دیا گیا۔ شاہنواز دھانی، محمد وسیم، زاہد محمود اور محمد حارث پہلی بار ون ڈے سکواڈ میں شامل ہوئے ہیں۔ سرفراز احمد بغیرکوئی میچ کھیلے سکواڈ سے باہر کر دیئے گئے۔

پاکستان کرکٹ بورڈ (پی سی بی) کی سماجی رابطے کی ویب سائٹ ٹویٹر پر جاری کردہ بیان کے مطابق نیوزی لینڈ کے خلاف ون ڈے سیریز کیلئے قومی سکواڈ کا اعلان کر دیا گیا، ٹیم کی قیادت بابر اعظم کریں گے۔

دیگر کھلاڑیوں میں فخر زمان، امام الحق، عبد اللہ شفیق، سعود شکیل، خوشدل شاہ، محمد رضوان، محمد حارث، افتخار احمد، شاداب خان، محمد وسیم، فہیم اشرف، محمد نواز، عثمان قادر، زاہد محمود، شاہین شاہ آفریدی، حسن علی، حارث رؤف، محمد حسنین، شاہنواز دھانی شامل ہیں۔

انگلینڈ کیخلاف ون ڈے انٹرنیشنل سیریز میں شرکت کرنے والے حارث سہیل، سلمان علی آغا، سرفراز احمد ، صہیب مقصود ٹیم میں جگہ نہ بنا سکے۔

قومی ٹیم کے چیف سلیکٹر محمد وسیم کا کہنا ہے کہ نیوزی لینڈ کے خلاف تین ون ڈے انٹرنیشنل میچز پر مشتمل یہ سیریز ہمارے لیے نہایت اہمیت کی حامل ہے، کیونکہ یہ سیریز آئی سی سی ورلڈکپ 2023ء کوالیفائر کا بھی حصہ ہے۔ شاہنواز دھانی کو لاجسٹک مسائل کی وجہ سے پی ایس ایل میں عمدہ کارکردگی کے باوجود انگلینڈ کے لیے سکواڈ میں جگہ نہیں مل سکی تھی تاہم انہیں اب نیوزی لینڈ کیخلاف ون ڈے سکواڈ میں شامل کر لیا گیا ہے۔

ان کا کہنا تھا کہ شاداب خان، عثمان قادر کی موجودگی کے باوجود زاہد محمود کو سکواڈ میں شامل کرنے کی وجہ ابھرتے ہوئے نوجوان کھلاڑیوں کو ہوم سیریز میں موقع دینا ہے۔ محمد رضوان ہمارے فرسٹ چوائس وکیپر ہیں، لہٰذا فیصلہ کیا گیا کہ سرفراز احمد کی جگہ 20 سالہ محمد حارث کو سکواڈ میں شامل کیا جائے۔

خیال رہے کہ سیریز میں شرکت کے لیے قومی سکواڈ 8 ستمبر کو اسلام آباد پہنچے گا، اسلام آباد میں ایک روزہ قرنطینہ کے بعد قومی اسکواڈ 10 ستمبر کو ٹریننگ کا آغاز کردے گا۔ نیوزی لینڈ سیریز کے لیے قومی اسکواڈ میں شامل تمام ارکان کو فیملیز اپنے ہمراہ لانے کی اجازت ہوگی۔

سیریز میں شامل ون ڈے انٹرنیشنل میچز کا ٹاس دوپہر 2 بجے ہوگا، ون ڈے انٹرنیشنل میچ کی پہلی اننگز دوپہر 2:30 بجے سے شام 6 بجے تک جاری رہے گی، دوسری اننگز شام 6:30 بجے سے رات 10 بجے تک جاری رہے گی۔

سیریز میں شامل ٹی ٹونٹی انٹرنیشنل میچز کا ٹاس شام 6:30 بجے ہوگا، ٹی ٹونٹی میچ کی پہلی اننگز رات 7 سے رات 8:25 بجے تک جاری رہے گی، دوسری اننگز رات 8:45 بجے سے لے کر رات 10:10 بجے تک جاری رہے گی۔

پاکستان کرکٹ بورڈ کے چیف ایگزیکٹو وسیم خان کا کہنا تھا کہ تماشائیوں کو کھیلوں کے کسی بھی ایونٹ کا حقیقی اثاثہ مانا جاتا ہے۔ خوشی ہے این سی او سی نے پاکستان بمقابلہ نیوزی لینڈ سیریز کے آٹھ میچز کے لیے 25 فیصد تماشائیوں کو سٹیڈیم میں داخلے کی اجازت دی ہے۔