لاہور: (ویب ڈیسک) نائب کپتان قومی ٹیم شاداب خان نے بابر اعظم کے نام پیغام میں کہا ہے میں ابھی بڈھا نہیں ہوا، یہ پیغام انہوں نے بنگلہ دیشی بلے باز کو پویلین بھیجنے کے بعد لکھا۔
لیگ سپنر شاداب خان نے بنگلا دیش کے خلاف میچ میں شاندار کارکردگی کے دوران اپنی ہی بال پر خوبصورت کیچ کیا تھا۔ اپنی پھرتی کو"ابھی تو میں جوان ہوں" کے معنی پہناتے ہوئے شاداب نے جھٹ بابر اعظم کا پرانا ادھار چکا دیا۔
انہوں نے سوشل میڈیا پر بابر اعظم کے نام پیغام میں لکھا کہ "میں ابھی بڈھا نہیں ہوا"، اس کے ساتھ ہی انہوں نے بنگالی بلے باز کا کیچ پکڑنے کی تصویر بھی شیئر کی۔ انہوں نے مزید لکھا کہ پوری ٹیم کی محنت سے ایک اور جیت ملی۔ شاداب نے اپنی پوسٹ میں بابر اعظم کو ٹیگ بھی کیا۔
Another team effort for that victory. Aur ek zaruri baat: Budha nahi hua abhi mai @babarazam258 . pic.twitter.com/bNhN0mP0Rb
— Shadab Khan (@76Shadabkhan) November 20, 2021
یہ امر قابل ذکر ہے کہ ٹی ٹونٹی ورلڈ کپ کے وارم اپ میچز کے دوران شاداب خان ویسٹ انڈیز کے ایک بلے باز کو رن آوٹ کرنے میں ناکام رہے تھے جس پر کپتان بابر اعظم نے انہیں "بڈھا" کہا تھا۔
