قذافی سٹیڈیم میں کھیلے گئے میچ میں ملتان سلطانز نے لاہور قلندرز کو جیت کے لیے 161 رنز کا ہدف دیا جس کے تعاقب میں لاہور کی پوری ٹیم 76 رنز پر ڈھیر ہو گئی۔

ملتان سلطانز کی جانب سے کیرون پولارڈ 57 رنز بنا کر نمایاں بیٹر رہے جبکہ شاہین شاہ آفریدی لاہورقلندرز کے سب سے مہنگے بولر ثابت ہوئے اور انہوں نے 4 اوورز میں 47 رنز دیے۔

شاہین شاہ آفریدی اور کیرون پولارڈ کے درمیان ملتان سلطانز کی اننگز کے 19 ویں اوور میں جملوں کا تبادلہ بھی ہوا جس کی ویڈیو سوشل میڈیا پر وائرل ہو گئی۔

Shaheen having an Argument with Pollard after an expensive over. #PSL8 #HBLPSL8 #PSL2023 #PSL08 pic.twitter.com/pve6F9af6D

— Shaharyar Ejaz  (@SharyOfficial) March 15, 2023

ویڈیو میں دیکھا جا سکتا ہے کہ چھکا لگنے کے بعد شاہین شاہ آفریدی کیرون پولارڈ کے پاس آکر کچھ کہتے ہیں جس پر پولارڈ بھی انہیں کچھ کہتے ہیں۔

واضح رہے کہ کیرون پولارڈ نے شاہین شاہ آفریدی کو ایک اوور میں 3 چھکے جڑے تھے۔