ورلڈ کپ: شاہینوں نے کیویز سے مقابلے کیلئے بنگلورو میں ڈیرے ڈال لیے

Published On 02 November,2023 06:53 pm

بنگلورو: (دنیا نیوز) کرکٹ ورلڈ کپ 2023ء میں کیویز کے خلاف اہم مقابلے کیلئے شاہینوں نے بنگلورو میں ڈیرے ڈال لیے ہیں، قومی ٹیم گزشتہ روز کولکتہ سے بنگلورو پہنچی تھی۔

بنگلورو میں پاکستانی ٹیم آج آرام کے بعد کل سے پریکٹس کرے گی، پاکستان اور نیوزی کے درمیان میچ 4 نومبر کو کھیلا جائے گا، دونوں ٹیموں کے درمیان میچ کے دن بارش کی بھی پیش گوئی کی گئی ہے۔

بارش کے باعث میچ نہ ہونے کی صورت میں دونوں ٹیموں کو ایک، ایک پوائنٹ دیا جائے گا، پاکستان نے ایونٹ میں اب تک 7 میچز کھیلے ہیں جس میں سے 3 میں کامیابی حاصل کی جبکہ 4 میچز میں شکست کا سامنا کرنا پڑا۔

Advertisement