کراچی: (دنیا نیوز) کراچی کے علاقے مومن آباد میں پولیس نے کارروائی کرتے ہوئے موٹر سائیکل چوری کرنے والے گروہ کے دو ملزمان کو گرفتار کر لیا۔
ایس ایس پی ویسٹ سوہائی عزیز کے مطابق گرفتار ملزمان کے قبضے سے دو موٹرسائیکلیں اور چوری شدہ سامان برآمد کیا گیا ہے، ملزمان چوری شدہ موٹرسائیکلز کا سامان، پارٹس کھول کر فروخت کرتے تھے۔
مسروقہ موٹرسائیکلز پیرآباد اور منگھوپیر تھانے کی حدود سے چوری کی گئیں تھیں، گرفتار دونوں ملزمان عبدالرازق اور رضوان سے مزید تفتیش کی جارہی ہے۔
