تازہ ترین
  • بریکنگ :- وزیراعظم عمران خان آ ج لاہورکادورہ کریں گے
  • بریکنگ :- وزیراعظم اوروزیراعلیٰ پنجاب عثمان بزدارکی ون آن ون ملاقات ہوگی
  • بریکنگ :- وزیراعظم کو صوبے کےانتظامی اورسیاسی امورپربریف کیاجائےگا
  • بریکنگ :- گورنر پنجاب چودھری سروربھی وزیراعظم سےملاقات کریں گے
  • بریکنگ :- گورنرپنجاب دورہ یورپ سےمتعلق وزیراعظم کوبریف کریں گے

ٹک ٹاکر خاتون ہراساں کیس، 6 ملزمان کے جسمانی ریمانڈ میں 2 روزہ توسیع

Published On 11 September,2021 04:32 pm

لاہور: (دنیا نیوز) عدالت نے مینار پاکستان میں ٹک ٹاکر خاتون کو ہراساں کرنے کے کیس میں 6 ملزمان کے جسمانی ریمانڈ میں 2 روز کی توسیع کر دی۔

ضلع کچہری لاہور کے جوڈیشل مجسٹریٹ حسن سرفراز چیمہ نے کیس کی سماعت کی، پولیس نے 6 ملزمان کو 2 روزہ جسمانی ریمانڈ کے بعد پیش کیا۔

عدالت کو بتایا گیا کہ کیس سے متعلق کچھ نئے حقائق سامنے آئے ہیں، ان تحقیقات کیلئے مزید 7 روزہ جسمانی ریمانڈ کی توسیع درکار ہے۔

ملزمان کے وکیل کا کہنا تھا کہ ملزمان کم عمر ہیں اور جیونائل قانون کے مطابق ان کا کیس دیکھا جانا چاہیے۔ عدالت ملزمان کا مزید جسمانی ریمانڈ دینے کے بجائے جوڈیشل کردے۔

عدالت نے دلائل سننے کے بعد ملزم شہر یار، مہران، عابد، ارسلان، ساجد اور افتخار کے جسمانی ریمانڈ میں 2 روز کی توسیع کرتے ہوئے ملزمان کو دوبارہ 13 ستمبر کو پیش کرنے کا حکم دے دیا۔