کراچی : ( دنیا نیوز ) صوبائی دارالحکومت کے علاقے سپر ہائی وے نیو سبزی منڈی کے قریب فائرنگ سے ایک شخص زخمی ہوگیا۔
ریسکیو حکام کے مطابق فائرنگ سے زخمی ہونے والے شخص کی شناخت عبداللہ کے نام سے ہوئی ہے جسے طبی امداد کے لئے ہسپتال منتقل کر دیا گیا ہے۔
دوسری جانب پولیس ذرائع کا کہنا ہے کہ فائرنگ کا واقعہ ڈکیتی کے دوران مزاحمت پر پیش آیا ہے اور واقعہ میں ملوث ملزمان کی گرفتاری کے لئے کارروائی کا آغاز کر دیا گیا ہے۔
