کراچی: (دنیا نیوز) کراچی میں مبینہ پولیس مقابلے کے بعد ایک ملزم زخمی حالت میں گرفتار کر لیا، نامعلوم افراد نے ایک شخص کو گولیاں مار دیں۔
ناظم آباد گجر نالہ کے قریب پولیس کے ساتھ فائرنگ کے تبادلے میں مبینہ ڈاکو کو حراست میں لے لیا گیا، گرفتار ملزم متعدد وارداتوں میں ملوث ہے، پولیس نے اسلحہ برآمد کر کے مزید کارروائی کیلئے تھانے منتقل کر دیا۔
کراچی کے علاقے بنارس پل کے قریب نامعلوم افراد نے فائرنگ کر کے ایک راہ گیر شخص کو شدید زخمی کر دیا جسے طبی امداد کیلئے ہسپتال منتقل کر دیا، پولیس نے مقدمہ درج کر کے ملزمان کی تلاش شروع کر دی ہے۔
