دہلی: (ویب ڈیسک) بالی ووڈ اداکارہ پرینیتی چوپڑا اور بھارتی عام آدمی پارٹی کے رکن پارلیمنٹ راگھو چڈھا نے منگنی کر لی۔
بھارتی میڈیا رپورٹس کے مطابق بالی ووڈ اداکارہ پرینیتی چوپڑا اور راگھو چڈھا کی منگنی دہلی کے کپورتھلہ ہاؤس میں ہوئی۔
منگنی کی تقریب میں پریانکا چوپڑا، قریبی دوستوں اور خاندان کے چند لوگوں نے شرکت کی جبکہ اس کے علاوہ بھارتی ریاست دہلی کے وزیر اعلیٰ و عام آدمی پارٹی کے سربراہ اروند کیجریوال بھی اہلیہ کے ہمراہ منگی میں شریک ہوئے۔
بھارتی پنجاب کے وزیراعلیٰ سمیت کئی سیاستدان اور بالی ووڈ شخصیات بھی منگنی کی تقریب میں موجود تھیں۔
پرینیتی چوپڑا اور راگھو چڈھا نے ایک دوسرے کو انگوٹھیاں پہنائیں، دونوں کی تصاویر بھی سامنے آئی ہیں اور سوشل میڈیا پر وائرل ہو رہی ہیں۔
