نیو یارک: (ویب ڈیسک) فیس بک جلد ہی صارفین کی سہولت اور غلط معلومات کی روک تھام کیلئے نیا فیچر متعارف کروائے گی جس کی آزمائش کا آغاز ہوچکا ہے۔
جدید ٹیکنالوجی کے موجودہ دور میں شاید ہی کوئی ایسا شخص ہو جو سوشل میڈیا کے استعمال سے دور ہوگا اور فیس بک کا شمار ان سائٹس میں ہوتا ہے جو صارف کو اپنی جانب کھینچنے میں مقناطیس کی سی طاقت رکھتی ہے۔
فیس بک پر خبروں سے لے کر انٹرٹینمنٹ اور مزاح سے بھرپور مواد دستیاب ہوتا ہے جسے لوگ لاکھوں کروڑوں کی تعداد میں شیئر کر رہے ہوتے ہیں۔
Starting today, we’re testing a way to promote more informed sharing of news articles. If you go to share a news article link you haven’t opened, we’ll show a prompt encouraging you to open it and read it, before sharing it with others. pic.twitter.com/brlMnlg6Qg
— Facebook Newsroom (@fbnewsroom) May 10, 2021
تاہم اس سوشل ویب سائٹ سے ایک شکایت صارفین کو ہے اور وہ یہ کہ فیس بک غلط خبریں وائرل کرنے کا گڑھ ہے، یہاں صارفین کوئی بھی خبر بغیر تصدیق کے شیئر کرلیتے ہیں جس کے بعد دیگر افراد کو مشکل کا سامنا کرنا پڑ جاتا ہے۔
اسی ضمن میں فیس بک نئے فیچر پر کام کررہی ہے جس کے تحت کوئی بھی نیوز آرٹیکل شیئر کرنے سے قبل ویب سائٹ آپ سے تصدیق کرے گی جس میں ایک پاپ اپ نوٹی فکیشن اسکرین پر شو ہوگا جو آپ کو متنبہ کرے گا کہ آیا مذکورہ پوسٹ شیئر کی جائے یا نہیں۔
