صحت
خلاصہ
- اسلام آباد: (دنیا نیوز) ضلعی انتظامیہ کا ڈینگی کے تدارک کے لئے اجلاس منعقد ہوا جس میں بتایا گیا کہ ایک ہفتے کے دوران شہر اقتدار کے 250 مقامات سے ڈینگی لاروا بر آمد ہوا ۔
اجلاس کی صدارت ڈپٹی کمشنر اسلام آباد عرفان نواز میمن نے کی، اجلاس میں ڈینگی کے خاتمے کے حوالے سے مختلف اقدامات اور مہم کا جائزہ لیا گیا۔
بریفنگ میں بتایا گیا شہر میں گزشتہ ایک ہفتے کے دوران ڈینگی کا کوئی مریض رپورٹ نہیں ہوا ، ڈپٹی کمشنر نے کہا کہ شہری اپنے گھروں اور ارد گرد کے ماحول کو صاف ستھرا رکھیں۔
