سوئٹزر لینڈ کی بون یونیورسٹی کی تحقیق میں دریافت کیا گیا کہ ایل ڈی ایل کولیسٹرول ایسا چربیلا مواد ہوتا ہے جو شریانوں میں جمع ہو جاتا ہے اور شریانوں کو تنگ کرتا ہے، اس سے خون کی روانی محدود ہوتی ہے اور ہارٹ اٹیک یا فالج کا خطرہ بڑھتا ہے۔

محققین کے مطابق محض 2 دن تک جو کا دلیہ کھانے سے ایل ڈی ایل کولیسٹرول کی سطح میں 10 فیصد تک کمی آتی ہے اور یہ اثر کم از کم 6 ہفتوں تک برقرار رہتا ہے۔

تحقیق میں بالغ افراد کے 2 گروپس کو شامل کیا گیا جو میٹابولک سینڈروم کے شکار تھے، اس عارضے میں اضافی جسمانی وزن، ہائی بلڈ پریشر، ہائی بلڈ کولیسٹرول، ہائی بلڈ شوگر اور دیگر مسائل کا سامنا ہوتا ہے، جن سے امراض قلب اور ذیابیطس کا خطرہ بڑھتا ہے۔

ایک گروپ کو 2 دن تک غذا کے طور پر صرف جو کا دلیہ استعمال کروایا گیا اور پھر 6 ہفتوں تک دیگر غذاؤں کے ساتھ دلیہ استعمال کروایا گیا، جبکہ دوسرے گروپ کو معمول کی غذا استعمال کروائی گئی۔

جب دونوں گروپس کے ڈیٹا کا موازنہ کیا گیا تو دریافت ہوا کہ 2 دن تک روزانہ 300 گرام دلیہ کھانے والے افرد کے بلڈ کولیسٹرول کی سطح میں 10 فیصد تک کمی آئی ہے، ان افراد میں کولیسٹرول کی سطح 6 ہفتوں کم رہی، جب تک وہ مکمل طور پر معمول کی غذا کی جانب لوٹ نہیں گئے۔

محققین نے دریافت کیا کہ دلیہ معدے میں موجود بیکٹیریا میں ایسی تبدییاں لاتا ہے جو بلڈ کولیسٹرول کی سطح میں کمی لاتے ہیں۔