تازہ ترین
  • بریکنگ :- ٹنڈوالہ یار اورگردونواح میں تیزہواؤں کےساتھ موسلادھاربارش
  • بریکنگ :- ٹنڈوالہ یار:بارش کےباعث نشیبی علاقےزیرآب،ضلع بھرمیں بجلی بند
  • بریکنگ :- حیدرآباد اور گردونواح میں بارش
  • بریکنگ :- حیدرآباد:تھرپارکراوربدین میں آسمانی بجلی گرنےسے 3 افرادجاں بحق
  • بریکنگ :- آسمانی بجلی گرنےسےبدین کےعلاقےٹنڈوغلام علی میں 2خواتین جاں بحق
  • بریکنگ :- آسمانی بجلی گرنےسےتھرپارکرکےعلاقےاسلام کوٹ میں ایک شخص جاں بحق

سیلاب کا خدشہ: پنجاب حکومت کا ہنگامی اجلاس، 81 ریلیف کیمپ قائم

Last Updated On 19 August,2019 03:19 pm

لاہور: (دنیا نیوز) دریائے ستلج میں سیلاب کے خدشے کے پیش نظر وزیراعلیٰ پنجاب سردار عثمان بزدار کی زیر صدارت اعلیٰ سطح کا اجلاس ہوا جس می بھارت کی جانب سے دریائے ستلج میں پانی چھوڑے جانے کے بعد کی صورتحال کا جائزہ لیا گیا۔

 اجلاس میں لوگوں کے انخلاء کیلئے اقدامات اور امدادی سرگرمیوں کا جائزہ لیا گیا۔ وزیراعلیٰ پنجاب عثمان بزدار نے کہا دریا کے بیڈ سے لوگوں کا انخلاء یقینی بنایا جائے، سیلابی ریلے سے قبل لوگوں کو بروقت محفوظ مقامات پر منتقل کیا جائے، امدادی کیمپس میں تمام ضروری اشیاء کی دستیابی یقینی بنائی جائے۔

وزیراعلیٰ پنجاب نے کہا ریلیف کیمپس میں ضروری اشیاء کی قلت نہیں ہونی چاہیے۔ انہوں نے صوبائی وزراء، آبپاشی اور ڈیزاسٹر مینجمنٹ کو دورے کر کے صورتحال کا جائزہ لینے کی ہدایت کر دی اور کہا سیکرٹری آبپاشی اور ڈی جی پی ڈی ایم اے بھی موقع پر جا کر امدادی سرگرمیوں کو مانیٹر کریں، صورتحال کو خود مانیٹر کر رہا ہوں، صورتحال کا جائزہ لینے کیلئے کسی بھی ضلع کا خود دورہ کروں گا۔

عثمان بزدار کا کہنا تھا عوام کے جان و مال کے تحفظ کے لئے ضروری انتظامات مکمل ہونے چاہئیں، وفاقی و صوبائی ادارے قریبی رابطہ رکھیں، کسی بھی ہنگامی صورتحال سے نمٹنے کے لئے چوکس رہیں، انتظامیہ ممکنہ سیلاب سے نمٹنے کے لئے انتظامات کی ذاتی مانیٹرنگ کرے، پانی کی آمد و اخراج کو مسلسل مانیٹر کیا جائے، ادویات، ویکسینیشن، جانوروں کے لئے چارے اور ونڈے کا بھی بندو بست کیا جائے۔

ادھر وزیراعلیٰ پنجاب کو بریفنگ دیتے ہوئے بتایا گیا کہ بھارت نے بغیر کسی اطلاع کے دریائے ستلج میں پانی چھوڑا ہے، گنڈا سنگھ والا پر کل ایک لاکھ کیوسک سے زائد پانی گزرنے کا امکان ہے، قصور سمیت دیگر اضلاع میں 81 ریلیف کیمپس قائم کر دیئے گئے ہیں۔