اسلام آباد: (دنیا نیوز) کشمیری خواتین پر ہونے والے بھارتی مظالم کے خلاف اسلام آباد میں خواتین نے ریلی نکالی۔ ریلی سے خطاب کرتے ہوئے ڈاکٹر فردوس عاشق اعوان نے کہا کہ کشمیر پاکستان کی شہ رگ ہے، کشمیریوں کو کبھی تنہا نہیں چھوڑیں گے۔
معاون خصوصی فردوس عاشق اعوان کا کہنا تھا کہ خون کے آخری قطرے تک کشمیر کے لیے لڑیں گے۔ بھارت اب زیادہ دیر کشمیریوں کو غلام نہیں رکھ سکتا، آزادی کا سورج جلد طلوع ہو گا۔
ان کا کہنا تھا کہ وزیراعظم عمران خان ایک مرتبہ پھر 27 ستمبر کو اقوام متحدہ جنرل اسمبلی سے خطاب میں مسئلہ کشمیر بھرپور انداز میں اٹھائیں گے۔
