لاہور: (دنیا نیوز) وزیراعلیٰ پنجاب نے کہا ہے کہ کرونا وائرس کے حوالے سے تمام اقدامات مکمل ہیں جو ممکن ہوا کریں گے، پنجاب میں ابھی تک کوئی کرونا وائرس کا کیس نہیں۔
وزیراعلیٰ پنجاب سردار عثمان بزدار نے میڈیا سے گفتگو کرتے ہوئے کہا نواز شریف کی ضمانت کے معاملے میں لیگل پروسیس اختیار کیا ہے، مریم نواز کو باہر بھیجنا پنجاب حکومت کا اختیار نہیں۔ انہوں نے کہا ہسپتالوں کو سٹیٹ آف دی آرٹ بنا رہے ہیں، لاہور میں دل کے امراض کے لیے ایک اور ہسپتال بنا رہے ہیں، چلڈرن ہسپتال کو یونیورسٹی کا درجہ دے رہے ہیں، کرونا وائرس کے حوالے سے ہیلتھ ڈیپارٹمنٹ میں آج بھی میٹنگ ہے۔
