تازہ ترین
  • بریکنگ :- وزیراعظم کی صدارت میں وفاقی کابینہ کااجلاس آج ہوگا
  • بریکنگ :- کوروناسمیت ملکی سیاسی ومعاشی صورتحال کاجائزہ لیاجائےگا
  • بریکنگ :- اسلام آباد:وفاقی کابینہ اجلاس کا 14 نکاتی ایجنڈاجاری
  • بریکنگ :- انتہاپسندی کی روک تھام کےایکٹ 2022 کےنفاذکی منظوری دی جائےگی

وزیراعظم کی زیر صدارت اجلاس: پٹرولیم مصنوعات کی قیمتوں میں کمی پر غور

Last Updated On 11 March,2020 09:49 am

اسلام آباد: (روزنامہ دنیا) وزیراعظم عمران خان نے کہا ہے پٹرولیم مصنوعات کے حوالے سے ملکی مجموعی ضروریات کو پورا کرنے کیلئے وقتی اور قلیل مدتی انتظامات کو ترجیح دینا اور اس ضمن میں جامع منصوبہ بندی کا فقدان دراصل ماضی کے حکمرانوں کی نااہلی کا منہ بولتا ثبوت ہے۔ ان خیالات کا اظہار انہوں نے پٹرولیم مصنوعات کی قیمتوں کے تعین پر اجلاس کی صدارت کرتے ہوئے کیا۔

وزیر اعظم کو پٹرولیم مصنوعات کی درآمد اور ان کی قیمتوں پر کارفرما مختلف عوامل اور اخراجات کے حوالے سے تفصیلی بریفنگ دی گئی۔ اجلاس میں پٹرولیم مصنوعات کی قیمتوں میں کمی پر غور کیا گیا۔ عمران خان نے گہری تشویش کا اظہار کرتے ہوئے کہا ماضی کی حکومتوں کی جانب سے انتظامی سطح پر برتی جانیوالی اس مجرمانہ غفلت کی قیمت عوام کے ہر طبقے نے چکائی ہے۔

عمران خان نے ہدایت کی ملکی ضروریات اور شرح نمو کو مد نظر رکھتے ہوئے مستقبل کی ضروریات کو پورا کرنے کیلئے تمام متعلقہ محکموں کی باہمی کوآرڈی نیشن سے جامع منصوبہ بندی اور حکمت عملی اختیار کی جائے تاکہ ترسیل و متفرق اخراجات میں ممکنہ حد تک کمی لائی جا سکے اور عوام کو ممکنہ ریلیف فراہم کیا جا سکے۔