اسلام آباد: (دنیا نیوز) فواد چودھری کا کہنا ہے سندھ پولیس کے افسران بلاول ہاؤس کے اشارے پر چھٹی پر گئے، پاکی داماں کی یہ حکایت آگے بڑھی تو معاملات کھلیں گے۔
وفاقی وزیر سائنس اینڈ ٹیکنالوجی فواد چودھری نے سماجی رابطے کی سائٹ ٹوئٹر پر اپنی ٹوئٹس میں کہا کہ کوئی شبہ ہی نہیں کہ سندھ پولیس کے افسران بلاول ہاؤس کے اشارے پر چھٹی پر گئے، ورنہ جب اومنی والوں کے سامنے لائن لگا کر کھڑے ہوتے تھے، تب بھی اس طرح کا ردعمل ہوتا، پاکی داماں کی یہ حکایت آگے بڑھی تو معاملات کھلیں گے، اداروں کو نیچا دکھانے کی کوششیں اور سازشیں ناکام بنانی ہوں گی۔
