تازہ ترین
  • بریکنگ :- نواب شاہ:پولنگ اسٹیشنزپرمسلح افرادبیلٹ پیپرلےکرفرارہوگئے
  • بریکنگ :- کنڈیارو:یوسی محبت دیرومیں ووٹرزکےدرمیان ہاتھاپائی
  • بریکنگ :- کنڈیارو:پولنگ کاعمل روک دیاگیا، 5 افرادزخمی
  • بریکنگ :- نواب شاہ:یونین کونسل نمبر 8 میں 3پولنگ اسٹیشنزپرپولنگ شروع نہ ہوسکی

کورونا مزید 47 افراد کی زندگیاں نگل گیا، 24 گھنٹے کے دوران 958 نئے مریض

Published On 16 February,2021 10:36 am

اسلام آباد: (دنیا نیوز) کورونا وائرس سے 47 افراد جاں بحق ہوگئے، جس کے بعد اموات کی تعداد 12 ہزار 380 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 64 ہزار 824 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 958 نئے کیسز رپورٹ ہوئے، پنجاب میں ایک لاکھ 64 ہزار 696، سندھ میں 2 لاکھ 54 ہزار 16، خیبر پختونخوا میں 69 ہزار 885، بلوچستان میں 18 ہزار 946 گلگت بلتستان میں 4 ہزار 941، اسلام آباد میں 42 ہزار 808 جبکہ آزاد کشمیر میں 9 ہزار 532 کیسز رپورٹ ہوئے۔

ملک بھر میں اب تک 84 لاکھ 98 ہزار 22 افراد کے ٹیسٹ کئے گئے، گذشتہ 24 گھنٹوں کے دوران 31 ہزار 905 نئے ٹیسٹ کئے گئے، اب تک 5 لاکھ 27 ہزار 61 مریض صحتیاب ہوچکے ہیں جبکہ ایک ہزار 648 مریضوں کی حالت تشویشناک ہے۔

پاکستان میں کورونا سے ایک دن میں 47 افراد جاں بحق ہوئے جس کے بعد وائرس سے مرنے والوں کی تعداد 12 ہزار 380 ہوگئی۔ پنجاب میں 5 ہزار 84، سندھ میں 4 ہزار 226، خیبر پختونخوا میں 2 ہزار، اسلام آباد میں 486، بلوچستان میں 199، گلگت بلتستان میں 102 اور آزاد کشمیر میں 283 مریض جان سے ہاتھ دھو بیٹھے۔