کراچی: (دنیا نیوز) کراچی کے حلقے پی ایس 88 میں ضمنی انتخاب کے دوران پی ٹی آئی اور پی پی کے کارکنوں میں تصادم ہوا جس میں لاتوں اور مکوں کا آزادانہ استعمال کیا گیا، ہوائی فائرنگ بھی کی گئی۔
کراچی کے حلقے پی ایس 88 غلام حسین گوٹھ میں تحریک انصاف اور پیپلزپارٹی کے کارکن آمنے سامنے آ گئے، جھگڑے کے دوران دھینگا مشتی ہوئی جبکہ ہوائی فائرنگ بھی کی گئی۔
صورتحال کو مزید کشیدہ ہونے سے بچانے کیلئے رینجرز طلب کر لی گئی جس نے علاقے کا کنٹرول سنبھال لیا۔
