اسلام آباد: (دنیا نیوز) مریم اورنگزیب نے کہا ہے کہ آج ان کی چوری بے نقاب ہو گئی، پہلے ڈسکہ کے الیکشن کمیشن کے عملے کو چوری کیا گیا۔
ترجمان مسلم لیگ (ن) مریم اورنگزیب نے پارلیمنٹ کے باہر میڈیا سے گفتگو کرتے ہوئے کہا کہ آج ان کی چوری بے نقاب ہو گئی، پہلے ڈسکہ کے الیکشن کمیشن کے عملے کو چوری کیا گیا، آج جو حرکت کی گئی سکریسی آف ووٹ کو ٹیمپر کرنے کی کوشش کی گئی، یہ آئینی جرم اور غیر قانونی ہے، ان چہروں کو بے نقاب کیا جائے یہ حرکت کیوں کی گئی۔
مریم اورنگزیب کا کہنا تھا کہ سینیٹ کے پولنگ بوتھ پر کیمرے کس نے لگائے چیئرمین سینٹ موجود ہے، یہ حرکت کس نے کی، نظام کو بدبودار بنا رہے ہیں، ان کو پتا ہے یہ ہار رہے ہیں جنہوں نے یہ حرکت کی، ان کو عوام کے سامنے لانا چاہیے، 2018 کے الیکشن میں آر ٹی ایس بیٹھنے سے آج تک ایک تسلسل ہے۔
