تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 8 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 761 ہوگئی
  • بریکنگ :- 24 گھنٹےمیں کوروناکےمزید 431 کیس رپورٹ،این سی اوسی
  • بریکنگ :- 24 گھنٹےکےدوران 47 ہزار 84 کوروناٹیسٹ کیےگئے،این سی اوسی
  • بریکنگ :- ملک میں کورونامثبت کیسزکی شرح 0.91 فیصدرہی،این سی اوسی

توشہ خانہ ریفرنس: نواز شریف کی جائیداد نیلامی کی نیب درخواست پر کارروائی شروع

Published On 22 April,2021 03:01 pm

لاہور: (دنیا نیوز) احتساب عدالت نے توشہ خانہ ریفرنس میں اشتہاری ملزم نواز شریف کی جائیداد نیلامی کی نیب درخواست پر کارروائی شروع کر دی ہے۔ عدالت نے کہا کہ جن جائیدادوں پر اعتراض نہیں آیا ان کی فروخت کا آرڈر دے دیں گے۔

اسلام آباد کی احتساب عدالت کے جج سید اصغر علی نے توشہ خانہ ریفرنس کی سماعت کی۔ سابق صدر آصف علی زرداری اور سابق وزیراعظم یوسف رضا گیلانی پیش نہ ہوئے اور عدالت حاضری سے استثنی کی درخواست دائر کی۔

ڈپٹی پراسیکیوٹر جنرل نیب سردار مظفر عباسی کی سربراہی میں نیب کی پراسیکیوشن ٹیم عدالت میں پیش ہوئی اور اشتہاری ملزم نواز شریف کی جائیداد نیلامی کی درخواست پر فیصلے کی استدعا کی جس پر جج نے ریمارکس دیئے کہ جن جائیدادوں پر اعتراض نہیں آیا ان کی فروخت کا آرڈر دے دیں گے۔

احتساب عدالت نے نواز شریف کو توشہ خانہ ریفرنس میں 17 اگست 2020 کو اشتہاری قرار دیا جبکہ یکم اکتوبر کو جائیداد ضبطگی کے احکامات جاری کیے۔

نیب نے درخواست دی ہے کہ جائیداد ضبطگی کے احکامات کو بھی 6 ماہ سے زائد کا عرصہ گزر چکا ہے اور نواز شریف نے ابھی تک جان بوجھ کر عدالت کے سامنے سرنڈر نہیں کیا لہذا قانون کے مطابق مجاز اداروں کو ضبط کی گئی جائیداد کی نیلامی کے احکامات جاری کیے جائیں۔