تازہ ترین
  • بریکنگ :- یوکرین کی سرحد پرروسی افواج کااجتماع
  • بریکنگ :- روس نےیوکرین پرمہم جوئی کی تواسےبڑی قیمت چکاناپڑےگی،امریکی وزیرخارجہ
  • بریکنگ :- نیٹونےیوکرین میں میزائل نصب کیےتوروس جواب دےگا،ولادی میرپیوٹن
  • بریکنگ :- یوکرین کی سرحدپرملٹری نقل وحرکت فوجی مشقوں کےلیے ہے،روس

'ن لیگ نے سپریم کورٹ اور اس کے ججز پر حملے کئے، مخالفین کو سزائیں دلواتے رہے'

Published On 29 April,2021 12:46 pm

لاہور: (دنیا نیوز) ڈاکٹر فردوس عاشق اعوان نے کہا ہے کہ ن لیگ نے سپریم کورٹ اور اس کے ججز پر حملے کئے، کرپٹ ظل سبحانی جسٹس قیوم سے اپنی مرضی کے فیصلے اور مخالفین کو اپنی منشا کے مطابق سزائیں دلواتے رہے۔

معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ کرپٹ ظل سبحانی، اس کے چیلے اور جعلی راجکماری کو محترم ججز اور عدالتی احترام کی بات کرتے ہوئے شرم آنی چاہئے، ن لیگ کی جانب سے خود کو لوہے کے چنے کہہ کر ججز کو دھمکایا جاتا رہا، نہال ہاشمی جیسے درباریوں سے ججز، ان کی اولادوں کو مستقبل کی دھمکیاں دی جاتی رہیں۔

فردوس عاشق اعوان نے کہا کہ اداروں کو دھمکانا اور اپنے ماتحت رکھنے کی کوشش کرنا کرپٹ ن لیگ کا وطیرہ ہے، سیسیلین مافیا کی ملکی اداروں میں موجود باقیات کو جڑوں سے اکھاڑ پھینکیں گے، اداروں کو گاڈ فادر کے تسلط سے آزاد کرنا تحریک انصاف حکومت کا مشن ہے۔