تازہ ترین
  • بریکنگ :- کورونا کے باعث 24گھنٹے کےدوران ایک مریض دم توڑگیا،این آئی ایچ
  • بریکنگ :- 24گھنٹےکےدوران 11ہزار388ٹیسٹ کیے گئے،353کیسز رپورٹ،این آئی ایچ
  • بریکنگ :- 155مریضوں کی حالت تشویشناک،مثبت کیسز کی شرح 3.10فیصد ریکارڈ

چالیس سال کے شہریوں کیلئے کورونا ویکسی نیشن کا عمل آج سے شروع: فیصل سلطان

Published On 03 May,2021 12:14 pm

اسلام آباد: (دنیا نیوز) معاون خصوصی ڈاکٹر فیصل سلطان نے کہا ہے کہ آج سے چالیس سال کے شہریوں کی کورونا ویکسی نیشن کا عمل شروع ہو گیا، جون تک ایک کروڑ نوے لاکھ خوراکیں مل جائیں گی۔

اسلام آباد میں بریفنگ کے دوران قومی صحت کے بارے میں وزیراعظم کے معاون خصوصی ڈاکٹر فیصل سلطان نے کہا کہ رواں سال 7 کروڑ افراد کو ویکسین لگانے کا ہدف ہے، نوے فیصد حفاظتی دوا پاکستان خریدے گا، مفت اور عطیے والی ویکسین پر انحصار کا تاثر غلط ہے۔

انہوں نے کہا کہ ویکسی نیشن کاعمل مربوط حکمت عملی کےتحت شروع کیا، ویکسین بنانے والی کمپنی سے گزشتہ سال سےبات چیت جاری ہے، کئی ممالک نے کورونا ویکسین کی برآمد پرپابندی لگا رکھی ہے تاہم اہداف حاصل کر لیں گے۔

دوسری جانب وفاقی وزیر منصوبہ بندی اسد عمر نے خبردار کیا ہے کہ آئندہ چند ہفتے پاکستان کیلئے نازک ہیں جس کے لئے بہت احتیاط کی ضرورت ہے، انہوں نے کہا کہ دنیا بھر میں یومیہ کیسز نو لاکھ سے تجاوز کرچکے، ایک سال سے زائد عرصے سے کورونا کی تباہ کاریاں جاری ہیں۔