اسلام آباد: (دنیا نیوز) وزیراعظم عمران خان کی زیر صدارت قومی رابطہ کمیٹی برائے کورونا کا اجلاس آج ہوگا، جس میں تعلیمی ادارے کھولنے اور امتحانات سے متعلق حکمت عملی کا جائزہ لیا جائے گا۔
وزیراعظم کی زیر صدارت اجلاس میں وبا کے باعث پیدا ہونے والی مجموعی صورتحال کا جائزہ لیا جائے گا۔ این سی او سی حکام کورونا کے حوالے سے صورتحال پر بریفنگ دیں گے۔ قومی رابطہ کمیٹی برائے کورونا نیشنل کمانڈ اینڈ آپریشن سینٹر کے فیصلوں کی توثیق کرے گی۔ ذرائع کا کہنا ہے کہ ویکسی نیشن کے عمل کو وسیع کرنے کے حوالے سے حکمت عملی پر بھی غور ہوگا۔
